Цаг уурын мэдээ > Хөдөө аж ахуйн цаг уурын тойм
2023 ОНЫ 12 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ
/ 2023 оны 11-р сарын 30-наас 2023 оны 12-р сарын 10-ны өдрийг хүртэл /
Температур: Агаарын дундаж температур нийт нутгаар 4.9-13.9 градус хүйтэн, олон жилийн дундажтай харьцуулбал нийт нутгаар дунджаас 1.3-6.2 градусаар дулаан байлаа. Үнэмлэхүй их температур өдөртөө Замын-Үүд, Эрдэнэ сумдад +8 градус дулаан, үнэмлэхүй бага температур шөнөдөө Дэлгэрэх суманд -27 градус хүйтэн байв. Хөрсний гадаргын дундаж температур нийт нутгаар 5-14 градус хүйтэн, үнэмлэхүй их температур өдөртөө Эрдэнэ сумын нутгаар 11 градус дулаан, үнэмлэхүй бага температур шөнөдөө Айраг, Иххэт сумдын нутгаар -26 градус хүйтэн байлаа.
Хур тунадас: Энэ 10 хоногт Мандах суманд 0.9 мм, Сайхандулаан суманд 0.3 мм, Сайншанд, Дэлгэрэх, Айраг, Өргөн сумдад 0.0 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Мандах суманд дунджаас ахиу, бусад нутгаар дунджжас бага хур тунадастай байлаа.
Салхи: 10 хоногийн салхины хамгийн их хурд Сайншанд сумын нутгаар 19 м/с, Мандах сумдад 18 м/с, Хөвсгөл, Дэлгэрэх, Эрдэнэ сумдын нутгаар 15 м/с, Замын-Үүд, Өргөн, Улаанбадрах сумдын нутгаар 14 м/с, Айраг сумын нутгаар 13 м/с, Алтанширээ, Иххэт, Сайхандулаан, Хатанбулаг сумдад 12 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-8 өдөр байсан байна.
Цасан бүрхүүлийн байдал: Нэгдүгээр 10 хоногийн хээрийн цасны хэмжилтээр, цасны дундаж зузаан Дэлгэрэх суманд 9 см, Иххэт суманд 6 см, Айраг, Алтанширээ сумдад 4 см, Сайншанд, Сайхандулаан сумдад 1 см, Мандах, Хөвсгөл Өргөн сумдад цасны дундаж зузаан 1 см-аас бага байна. Цасны бүрхэц Дэлгэрэх сумын нутгаар 10 балл, Айраг, Алтанширээ, Иххэт, Сайхандулаан, 5-9 балл, Сайншанд, Мандах, Хөвсгөл, Айраг, Өргөн сумдад 1-4 баллын цасан бүрхүүлтэй байна. Цасны дундаж нягт Алтанширээ суманд 0,35 г/см3, Айраг суманд 0,30 г/см3, Дэлгэрэх суманд 0,28 г/см3, Иххэт суманд 0,29 г/см3 байна.
МАА-н үйлдвэрлэлд: Нийт нутгаар малд нэмэгдэл тэжээл өгөх, мал хээлтүүлэх, оторлох, өвөлжөөндөө буух ажил явагдаж байна. Цаг агаарын нөхөцлөөс болж малын бэлчээрлэлт саатсан тохиолдол гараагүй боловч мал бэлчээрт орой бэлчиж эрт хотолж байна. Зуншлага тааруу байснаас малын бэлчээр муутай, зарим газартаа цас зузаарч хунгарласан.